seh mi have a man now weh love mi like cook food and mi “naaah let guh” like weh Gyptian seh.
yuh si you? Yuh have mi heart a beat all sort a boodoom boodoom every time mi phone ring and yuh name come up pan mi touch screem.
yuh si you? have a wild girl like me a tink bout sekkle down an all dis tings
yuh come tie up mi heart strings.
Have mi a tink bout cook and clean fi yuh and keep miself lean fi yuh
Just di soun a yuh voice wet up mi panty same time
Mi see all Trey Songz pan yoochoob a sing sexy song
an all mi can tink of is you a buss off mi lace t’ong
Yuh si you? Only you have buttafly a kin puppa lick inna mi belly
Mek mi feel like mi high, mek mi knees dem feel like jelly
Every maanin noon an night yuh have mi heart a shine like a light
A bere school girl giggling and Port Royal Giddy House feelings yuh lef mi in
An mi nuh even know weh wi stand
Mi nuh even know if yuh is mi tru tru tru tru man.
N Dee
Poetrist
0 Growth Spurts:
Post a Comment